طريقة عمل الكيك

اولا بان كيك

البان كيك" من أشهر الحلويات حول العالم، ويعد من وصفات المطبخ الأمريكي

كيكه بانك كيك

المقادير ⬇️

- كبايه ونص دقيق متعدد الاستخدامات
- 2 معلقه صغيره سكر
- 2 معلقه صغيره بيكينج بودر
- ربع معلقة صغيره بيكينج صودا (كربوباتو)
- ربع معلقه صغيره ملح
- معلقه صغيره فانيليا
- كباية حليب دافي
- بيضتين كبار
- ربع كباية زبده مذابه

طريقة التحضير ⬇️

- في طبق كبير هننخل الدقيق مع البيكينج بودر والبيكنج صودا والسكر والملح والفانيليا.
- نضرب البيض لحد ما ينفش وبعدين نضيف الحليب والزبده المذابه ونخفقهم كويس وبعدين نضيف خليط الدقيق ونخفقهم تاني لحد ما العجينه تبقى متماسكه ومش سايله اوي.
- نسخن طاسه تيفال على نار متوسطه وندهنها بنقطتين زيت او زبده وناخد شويه من العجينه بمغرفه صغيره وننزل بيها في نص الطاسه.
- نوطي النار خالص واول ما اللون يبقى دهبي نقلبه على الوش التاني لحد ما يحمر.
- ملحوظه: لازم نمسح الطاسه بفوطه نضيفه وندهنها بنقطتين زيت او زبده بين كل واحده والتانيه.
- بعد ما نخلص الكميه كلها ممكن نقدمه مع النوتيلا او العسل والفواكه.

ثانيا صوص الشوكولاتة

صوص الشوكولاتة اللذيذ هو كلمة السر في الحلويات الشهية.. تعرفي على طريقة تحضيره بطرق مختلفة وكيفية تزيين الكيك الجاهز به.

اقرا ايضاطريقة استيك فراخ بالصويا صوص
اقرا ايضاطريقة عمل بيتزا بعجينة قطنية روعة مع صوص اطيب من المطاعم
اقرا ايضاطريقة جراتان البطاطس بالفراخ والكريمه
اقرا ايضاطريقة دجاج مشوي بالزعتر

صوص الشوكولاتة

الطريقة الأولى 1️⃣

المكونات:
كوب حليب
3 معلقة كبيرة سكر
معلقة كبيرة نشا
معلقة كبيرة كاكاو خام
ربع معلقة صغيرة نسكافية (قهوة سريعة الذوبان)
60 جرام قطع شوكولاتة أو شوكليت شيبس
طريقة التحضير:
- اخلطي كل المكونات في كاسرولة أو حلة على البارد لحد ما المكونات تمتزج مع بعضها كويس.
- حطي الكاسرولة أو الحلة على نار متوسطة وقلبي كويس بمضرب سلك يدوي وأول ما الصوص يبدأ يتقل ضيفي قطع الشوكولاتة أو الشوكليت شيبس مع التقليب المستمر لحد ماتحصلي على القوام المطلوب وبعدين ارفعيه عن النار وضيفي الزبدة أو الزيت وقلبي كويس وسيبيه يبرد، وبعدين حطيه في برطمان محكم الغلق ودخليه الثلاجة لحين الاستخدام.
- بلاش تسيبي الصوص فترة طويلة على النار عشان ميبقاش تقيل، ولو حسيتي إنه تقيل هتزودي شوية حليب، كل ما كان الحليب أكتر كل ما كان الصوص أخف.
- يستخدم الصوص في تزيين الكيك والحلويات بأنواعها.

الطريقة الثانية 2️⃣

المكونات:
كوب حليب
كوب سكر بودرة
كوب زيت
نصف كوب كاكاو خام
طريقة التحضير:
- نحط الحليب والسكر في الخلاط الكهربائي ونضربهم كويس لحد ما يمتزجوا كويس والسكر يدوب.
- نضيف الكاكاو ونضرب كويس لحد ما الكاكاو يدوب.
- نبدأ بإضافة الزيت للخليط خيط رفيع بالتدريج مع الإستمرار في الضرب لحد ما يتكون معانا صوص الشوكولاتة اللذيذ، ولو حابة الصوص يبقى تقيل أكتر زودي كمية الزيت.
- استخدمي الصوص في تزيين الكيك والحلويات والآيس كريم وممكن تحفظيه في برطمان زجاجي وتدخليه الثلاجة لحين الاستخدام.