طريقة عمل بسبوسة بالكاكاو
الطريقة
بالطراب اليدوي طربت 3 بيضات شوية تاع الملح فاني كاس سنيدة زدت عليهم كاس حليب و نص كاس ماء دوبت فيه معلقة كبيرة نسكافي وزدت كاس زيت
درت معاهم 5 معالق كوك يلا متوفر طبعا وجوج معالق كاكاو مر وخمارة ونص وتقريبا هزات ليا ربع كيلو سميدة رقيقة المهم زيدو شوية بشوية والقوام تاعها يكون خفيف على القوام تاع الكيك
دهنت المول العجيب بالزبدة ورشيتو بالكوك ودخلتها لفران سخون شاعل من التحت على عافية مهيييلة تا طابت
وجدت ليها سيرو وسقيتها مزيان
بالنسبة للكريمة
درت كاسرولة فيها نص اترو حليب 2 معالق ونص كريم باتيسري 2 معالق سنيدة معلقة نسكافي وطيبتها ملي طفيت عليها زدت فيها دانيت شوكولاطة وكبيتها على الكيك والتزيين تايبقا على حسب الدوق
تعليقات
إرسال تعليق