طريقة دولسى ديلتشى بودنج
الوصفه
اقرا ايضاطريقة سهله لعمل البسبوسة
اقرا ايضاطريقة عمل الكنافة النابلسية
اقرا ايضاطريقة عمل صوابع زينب
اقرا ايضاطريقة تحضير حلويات البابا
طبقه رز بلبن عليها طبقه كيك اسفنجى بدلتها ببسكوت ليدى فنجر مغموس فى حليب وكريمه بيخلى قوامها كيك اسفنجى
وعليهم طبقه كريم شانتيه متحليه بكراميل
وعليهم طبقه كراميل سايحه ونايحه ومزينه بخيوط نيوتيلا وكنافه محمره محلاه بكراميل هييح
الطريقه
طبقه ١ الرز بلبن
طبقه٢ كيك اسفنجى
هنجيب صوابع الليدى فينجر ( بسكوت التيراميسوا)
ودى هتكون بديل للكيك الاسفنجى ونغمسها فى لبن وكريمه خفق ونرصها فوق الرز بلبن
وعند التقديم البسكوت هيطرى وهيدى قوام الكيك الاسفنجى
*ملحوظه ممكن تستخدمى بواقى كيك فانيليا عندك بس اسقيها لبن محلى بكراميل
طبقه ٣ كريمه
هنعمل طبقه الكريم شانتيه هنحتاج فيها كوب كريمه خفق و٣ معالق كريم باتسيرى بتاع دريم لقوام تقيل ماسك نفسه مع معلقتين سكر بودره ونحليها ونديها طعم بالكراميل تقريبا معلقتين دوقى وظبطى الطعم افضل
حطيها على طبقه البسكوت وحاولى تفرديها كويس اوى اوى وتكون ملساء ولازم تتحط فى التلاجه تمسك نفسها كويس اوى قبل طبقه الكراميل انا عملتها بليل وزينتها بالكراميل الصبح وحطيتها فى اتلاجه لبعد الفطار بقى
*ملحوظه ممكن تستخدمى كريم شانتيه بودر بدل كريمه الخفق
طبقه ٤ كراميل
تتحط سخنه الى حد ما عشان تنزل تتوزع كويس وبشكل حلو على الطاجن بدون استخدام المعلقه عشان تطلع شكلها حلو وزينيها بقى وطبعا تتحط فى التلاجه عشان الكراميل يسقع
للتزين كنافه
لازم اى وصفه كريمى يكون فيها حاجه مقرمشه هنا اخترت تكون كنافه متفتته ومتحمره فى سمنه وزيت وسكر بودره حتى الحصول على اللون الدهبى الجميل وحليتها بمعلقه كراميل وزينت بيها جوانب الطاجن
*وعلى الوش خيوط نيوتيلا جبت كيس ساندوتشات وفتحته فتحه صغيره بالسكينه وحطيت معلقه نيوتيلا وزينت بيها الوش مع واحده تويكس
تعليقات
إرسال تعليق